龔嘉欣羅天宇時鐘酒店床戰

東方日報
羅天宇與龔嘉欣拍攝在街頭攬住等位「開餐」的戲份。

藝人龔嘉欣與羅天宇昨日為無綫新劇《香港愛情故事》開工,拍攝於街頭甜蜜等位「開餐」戲份。嘉欣透露早前以宮廷情趣內衣造型,與天宇到時鐘酒店拍親熱戲,結果錫到嘴痛,她說:「因為講我哋爭取時間,一入去我主動咀佢,仲推佢落床繼續,都幾激,我哋腳撞腳撞到瘀晒添!(谷胸?)我呢啲唔係好覺啦,反而下身喱士性感啲,扮到似冇着咁!」

避「炎」瞓足三日

當時僅穿內褲的天宇直言心情緊張,因擔心衞生問題,起初連床邊及牆也不敢掂:「真係驚,但最後仲要瞓埋地下!(對住咁性感嘅嘉欣有冇生理反應?)我好專心拍呢場戲,淨係諗快啲拍完返屋企沖涼咋!」談到武漢肺炎肆虐,二人同聲表示新年甚少外出,嘉欣更自爆瞓足三日,雖然全城鬧口罩荒,但她有存貨,故將部分口罩提供給朋友,天宇亦有受惠,他說:「我行咗10間藥房都買唔到,屋企有10個,畀咗一半媽咪,所以好感謝嘉欣。」

龔嘉欣嘟起嘴仔,唔通好回味咀戲?
講起拍親熱咀戲,兩個邊笑邊做動作。