龔嘉欣玩情趣誘惑 滿足大食羅天宇

東方日報
羅天宇與龔嘉欣雖然有不少床戲,但搞笑成分居多。

龔嘉欣與羅天宇於新劇演夫妻,飾演性需求大的天宇,無時無刻與嘉欣親熱,故劇中有大量「肉搏」場面,他大爆開工首日到時鐘酒店拍床戲,嘉欣會穿情趣內衣玩色誘!

龔嘉欣、羅天宇、王敏奕、劉溫馨、謝東閔、菊梓喬與石修等,昨日出席無綫新劇《香港愛情故事》開鏡拜神儀式。與天宇演夫妻的嘉欣笑言雖然曾合作處境劇,但不算熟落,沒料首日開工便要拍床戲,心情緊張。

除剩底褲

嘉欣以往拍親熱戲都是點到即止,如今要穿情趣內衣色誘天宇,問到尺度如何?她說:「場戲講我哋紀念日,先要着情趣內衣色誘佢,但喜劇都係搞笑多,呢套劇好多親熱戲,入行咁耐都冇拍過床上戲,今次算係第一次。」劇中性需求大的天宇笑言:「我哋成日去唔同地方做啲唔同嘅嘢,例如劏房、太空艙,好多嘗試。我要健身,有幕要半裸除剩條底褲。(要操股肌?)我本身好勁。」

問到可有向另一半備案?二人齊聲表示單身,天宇自爆聖誕節時非常孤獨,除夕夜與家人到餐廳食飯後遺失銀包,損失4位數字。問到銀包內可有緋聞女友戴祖儀的「蜜照」?他說:「冇,得我個樣嘅證件相。」至於早前被爆與馬來西亞富二代熱戀的嘉欣,耍手擰頭說:「梗係唔係,我呢排忙緊搞火鍋店,開咗一個月,我收銀、包餃子乜都做。」

王敏奕冇備案

同場的王敏奕透露劇中有不少男伴,與謝東閔關係複雜。問到可有親熱戲?她說:「有唔同程度嘅,亦有主動,同傳統戀愛唔一樣。(有冇同老公曾國祥備案?)未講呀。(唔驚嚇親佢?)電視尺度唔會太過分,造型亦唔會刻意性感,當然喺屋企起身可能會着吊帶,但唔會暴露。」

劉溫馨
菊梓喬誠心上香,祈求拍攝順利。
王敏奕與謝東閔於新劇中關係複雜。