龔嘉欣捱過苦 奸得有道理

東方日報
為了達到目的,龔嘉欣不惜委身下嫁袁文傑。

龔嘉欣一改過往戲路扮演劇中的奸角,不斷借身邊人力爭上游,利用好姊妹朱晨麗、工頭吳業坤之餘,更下嫁袁文傑,壞事做盡,角色相當出位。講到演出奸角,龔嘉欣說:「做演員冇所謂,因為每套劇嘅角色唔同,就算係奸角都冇所謂。角色奸亦有佢嘅原因,因為佢由細到大都捱得好辛苦,佢嘅行為只係想保護自己。」

劇中龔嘉欣要演繹不同階段,她笑說:「最深印象係經常要換妝、換髮型,好攰,因為角色有三個階段,有時拍攝一日要轉足三次頭、三次妝,淡妝轉濃妝,又轉番淡妝,真係幾攰。」

龔嘉欣一切利字當頭,吳業坤只係被她利用。