黐譚俊彥沾生B運 李施嬅自爆同定欣好恨做媽媽

譚俊彥自認有利拍檔佗B,單身李施嬅想黐對方拍劇,渴望做媽媽。

【星島日報報道】陳展鵬、譚俊彥、李施嬅、陳山聰及陳自瑤等,出席劇集《天命》的宣傳活動,眾演員於現場玩遊戲,更即場到街市買水果,聚集了大批居民圍觀,氣氛熱鬧。

譚俊彥跟李施嬅提到劇情剛講述陳自瑤懷孕,李施嬅笑指跟現實一樣,並恭喜王祖藍跟李亞男「造人」成功。譚俊彥提到當時拍攝完陳自瑤懷孕這幕後,就收到太太電話報喜再次懷孕,笑言跟他拍劇的女演員都會成功懷孕。李施嬅即自爆跟胡定欣都想生B,並笑稱:「咁快啲再同我拍,我好想生BB。(你有著落咩?)就係無,但係又想生BB。」

問到譚俊彥跟父親狄龍可有一同收睇劇集?他笑說:「佢今朝話,好似睇緊自己做戲咁,我可唔可以話佢自大?爸爸識好多四字成語,細個教我,依家我就講返出嚟。」

睇更多