黎諾懿撐復出等開工

東方日報
黎諾懿同心穎去過馬來西亞拍節目。

曾與黃心穎合作拍節目的黎諾懿,亦有留意拍檔的動向,昨日受訪時得知她正靜待「重生」機會,亦大表支持,讚她是一個有才華的女生:「無論發生咩事都好,一個女仔,應該畀機會佢嘅,而且都過咗一段時間,心穎應該有佢嘅諗法。(對佢有咩印象?)佢喺我心目中係一個好好嘅演員,無論唱歌、演戲都好出色,如果佢復出需要我哋幫忙,一定全力支持!」

原來心穎返港後,黎諾懿曾與她聯絡,對談間覺得她心態正面:「佢幾好,心態都OK!」作為同行,不少藝人受疫情影響冇工開,他笑言只好放鬆心情等開工:「好似我咁,趁呢段時間遠足吓,令心情輕鬆啲,等到有工開就可以全情投入!」