黎芷珊返港自我隔離

東方日報
黎芷珊坦言於郵輪上沒接觸老人家。

一名80歲武漢肺炎確診男患者,從日本橫濱乘郵輪返港,無綫主持黎芷珊剛巧與對方同船!她昨日受訪時表示甫抵港即自我隔離,在家休息,慶幸這段日子沒工作,未有大影響:「我完全冇問題,冇嗰啲徵狀。我上船到依家已經隔離咗10日,會自我隔離多一個星期,應該穩陣。(有冇見過確診老翁?)船上嘅香港人只係少數,有啲走埋嚟同我傾偈,但佢哋唔係咁大年紀,應該唔係嗰位伯伯。」並讚郵輪做足防疫措施:「我上船時,日本得一宗確診,但佢哋已經做晒安全措施,例如最多人出入嘅餐廳,有兩個洗手盆喺度,仲有兩個船員要你洗完手先畀你食嘢,加上周圍擺咗搓手液,如果啲人乾淨意識好,應該冇事。」

此外,無綫藝人吳沚默於新春期間返珠海探親,因肺炎肆虐,取消到江西探婆婆,日前她已返港自我隔離,預計本月底才拍劇。談到珠海情況,她說:「當時日日喺屋企唔敢出街,有次見到樓下有架武漢車牌嘅車,嚇到通知物業管理,佢哋再通知社區醫生,日日敲門幫大家Check體溫,好彩冇事。」

吳沚默剛從珠海返港。