黎耀祥深圳出騷 食江湖飯冇得擔心

東方日報
黎耀祥

陳煒前晚錄影無綫節目《流行經典50年》,談及任達華在內地做活動時遇襲,她說:「非常震撼,夜場工作一定唔會接,但估唔到日頭都會發生呢啲事,人身安全好重要,希望佢吉人天相。(你有咩保護措施?)要靠大會保安措施。」同場的黎耀祥大讚任達華遇襲時反應快:「如果第二個反應唔切畀佢捅多兩下。」將到深圳出席好友書展活動的他,被問到家人可擔心?他說:「唔會,呢行食江湖飯,宣傳或搵食活動都要做。唯有自己小心,有異動就避。(學拳術?)不嬲有兩道,食過夜粥,拍過武俠片,好彩任達華都係咋,一縮一擋,希望佢快啲康復。」

另外,藝人黃又南昨到馬鞍山出席活動,近年不時往返內地商演及拍戲的他坦言:「有傳短訊問候任達華,佢成件事處理得好冷靜,係好專業嘅藝人。其實公開場合我哋冇得避,小心為上,我都試過喺內地出席活動畀女粉絲強吻,好彩我擰歪面,佢只係錫到我面頰啫!」

陳煒返內地出席活動只靠大會保安措施。
黃又南