黎耀祥做殺手打到膝頭變豬蹄

東方日報
黎耀祥(左)與海俊傑為角色打生打死,但覺得效果好就值得。

藝人黎耀祥(祥仔)、海俊傑、曹永廉及韋綺姍,前晚為慈善節目綵排唱歌環節。講到主演的新劇《殺手》將於本月播出,祥仔表示期待:「呢套真係打得最多、操得最甘,特別辛苦係由夏天打到冬天,記得嗰陣彎低綁鞋帶,啲汗係好似水喉咁滴落地。」

身旁的海俊傑即向祥仔「挑機」,自言正拍攝新劇《陀槍師姐2020》,拍攝MMA打鬥戲份時不慎被打爆左眼角:「依家隻眼就好番,不過隻手有瘀又傷到氣門,啲(氣門)軟組織凸咗出嚟,要搵醫師推番入去,好痛!不過出到嚟靚就值得。」祥仔聞言抵死說:「諗極都唔明點解需要我哋呢啲年紀嘅演員去做!唔係後生嘅專利嚟咩?我哋做教練咪得!我個膝頭都拍到腫晒,要針灸。」