黎燕珊《法IV》大犠牲 睇到梅小青係咁喊

素顏演「蘭姨」,仲要題材咁苦澀,真係考功力!

無綫熱播劇《法證先鋒IV》第三單元「水泥童骨案」即將告一段落,藝人黎燕珊於劇中飾演苦情母親「蘭姨」,與失散多年的兒子楊潮凱重聚。黎燕珊與監製梅小青相識多年,她稱很榮幸能參與對方的告別之作,為了梅小青更挑戰自己,劇中以素顏上陣,連身邊好友都直指她好大「犠牲」!她又坦言因角色太過慘情而害怕無法抽離:「拍劇時都唔敢傾偈,希望集中演好角色,蘭姨同浩仔嘅故事太苦澀,我之前都驚拍完唔識得笑。小青姐都話做後期嗰時,睇咗好多次都忍唔住落淚,又讚我同潮凱做得好到位!」

此外,她率先劇透蘭姨與浩仔重逢後,浩仔弄得家中七國咁亂,被蘭姨責罵後的他離家失蹤。高安(黃浩然飾)協助她四出找浩仔,期間竟意外揭開蘭姨埋藏心底已久的恐怖回憶。

「蘭姨」黎燕珊大爆梅小青睇咗好多次都忍唔住落淚…
更加被大讚佢同楊潮凱做得好到位。
不過角色太慘情,佢都曾經驚自己無法抽離。
嚟緊仲會揭開蘭姨埋藏心底已久的恐怖回憶!