《黃金有罪》劉芷希憑舞小姐莉莉成功吸引網民注意

《黃金有罪》劇照

無綫劇集《黃金有罪》播得如火如荼,劇中除咗主要女角色姚子羚同陳瀅受歡迎外,夜總會小姐莫莉莉(劉芷希飾)一角都相當搶鏡,特別係一場沙灘戲中莫莉莉以紅色比堅尼泳裝上陣, 大騷身材,吸引唔少觀眾。

其實劉芷希嘅來頭一啲都唔簡單,佢係馬來西亞人,2012年參選《中環小姐環球大賽》(東南亞賽區)奪得亞軍,當年仲獲得完美體態小姐及最高貴氣質小姐獎項。之後再喺2017年到香港參加《香港珠寶小姐》並奪冠而入行。入行多年簽過Model公司,但都係半紅不黑,事業都唔算太順利。直至三年前劉芷希以自薦形式加入無綫拍劇,拍過《愛·回家之開心速遞》、《十二傳說》及《特技人》,不過都係路人甲角色,連名都冇。

今次佢喺《黃金有罪》中莫莉莉一角,可以講係佢第一次有固定角色,之後仲會佢有份拍嘅《降魔的2.0》和《逆天奇案》等等亦會陸續播放。雖然佢起步比其他藝人慢少少,但希望佢嘅努力會得到觀眾認同啦!

劉芷希
劉芷希
劉芷希
劉芷希
劉芷希