黃翠如蕭正楠中秋忙工作 翠如最鐘意食邊款月餅?

1 / 1
黃翠如蕭正楠中秋忙工作 翠如最鐘意食邊款月餅?

今日 (15日),黃翠如蕭正楠情侶檔出席美食活動,兩人接受訪問時異口同聲說美食是生活的動力:「我哋平時成日試新嘢,唔鐘意重覆,如果出街食就會去啲靜少少同冇咁多人排隊嘅店,因為太懶唔想排。」翠如更分享自己的童年最愛美食是砵仔糕,而蕭正楠則鐘情臭豆腐。活動上有一環節安排蕭正楠唱歌,翠如則在旁錄影,阿蕭笑言「佢不嬲都好迷戀我!」旁若無人地放閃光彈,十分搞笑。

中秋本來是人月兩團圓的節日,但兩人都因工作關係無法與對方度過,翠如正忙拍新劇《過街英雄》,阿蕭則要飛往瑞士拍旅遊節目。但阿蕭原來一早有準備禮物給翠如,就是他代言的某品牌月餅!翠如笑言:「佢送咗好多畀我,我就借花敬佛送畀朋友,送嗰陣就話係我送嘅。」另外原來翠如最喜歡的月餅口味是奶皇月餅,「有時通宵拍劇到四五點先收工,我就拎個奶皇月出黎叮十秒,當早餐食。」中秋節不能和翠如食月餅的阿蕭就慨歎:「等我係瑞士拍完返黎,睇怕連萬聖節都過咗啦!」雖然過節開工好慘,但相信翠如同阿蕭望住同一個月亮食同一款月餅,應該都甜入心啦。

點擊瀏覽《香港01》更多內容和圖集

你可能感興趣:
黃宗澤開蠔吧獲眾星撐場 爆三哥喺《飛虎2》全副武裝上陣
【過街英雄】森美搽油爆衫睇到男同事嘩嘩聲 黃翠如讚:好性感