黃翠如爆洪永城長度 接400宗投訴!

東方日報
黃翠如有小蠻腰,竟被蕭正楠嫌棄。

黃翠如日前於無綫台慶以手指尾比喻好友洪永城的性器官,累節目接400宗投訴。昨日她與老公蕭正楠出席活動時表示,當晚對白及反應是一早預設,但曾為此檢討,承諾以後會小心說話。

黃翠如、蕭正楠與連詩雅等昨日出席美容店開幕,以「夫妻檔」身份亮相的阿蕭及翠如,席間互相量度身體部位,阿蕭略嫌翠如腰太幼,揚言已「煮重米」讓老婆增磅。

見女友重振雄風

提到日前翠如於台慶爆洪永城性器官長度,問她可有跟洪永城女友解釋?她說:「唔需要,其實當晚對白同反應都度好晒,當然我有檢討過,好似係有啲不雅,覺得以後唔可以太踩界。」對於節目接400宗投訴,阿蕭認同往後做節目及玩遊戲會加倍小心:「因為大家太好朋友,好似喺飯枱講嘅嘢咁,唔會勒住。(怕洪永城女友嬲?)佢見到女友就會重振雄風啦!」

暗示老公睇過

問到翠如是否真的看過洪永城全相?她說:「睇佢全相意思,其實係同大家同步睇嘅電視畫面,想知就問阿蕭啦,佢哋成日一齊去廁所。」

連詩雅穿白色連身裙出席活動。