黃翠如中學留中分女神頭 竟然撞樣岑麗香

黃翠如中學留中分女神頭 竟然撞樣岑麗香

藝人黃翠如向來是宅男女神,加盟無綫不久即爆紅獲封「翠如BB」,當時佢更被翻出早於17歲讀書時期已上電視接受訪問,其短髮學生造型更被網民激讚又pure又true。其實除了短髮外,佢學生時期亦曾試過「長髮女神」Look,呢日佢喺家中大掃除時,無意中發現學生證,於是上載至社交網同大家分享,並留言:「你好,我是1223439。大掃除小發現。」

相中見中學時期嘅佢已經留有現時相當流行嘅「中分女神頭」,而且除咗少少Baby fat,外表大致上同依家分別不大,即獲網友大讚保養得宜Keep住童顏,就連歌手吳若希(Jinny)都笑指驟眼睇與另一女神岑麗香有幾分相似。