黃秋生為藍潔瑛抱不平

東方日報
秋生「踎監」做獨腳戲。

影帝黃秋生昨日為ViuTV新劇《理想國》開工,一身囚犯造型的他獨自拍攝一個單元,在45分鐘內演獨腳戲,他說:「幾甘,得把聲同我做戲。(難你唔倒?)難倒呀,唔識做!一陣觀眾睇3分鐘就熄機!(你係影帝級喎!)我呢啲係舊款要退役,要送去堆填區。(再拎?)唔好喇掛?畀新人啦!畀郭富城呢啲新進影帝!」

談到藍潔瑛離世,他坦言不認識對方,但看到部分報道後大抱不平:「有製作人話佢嘈要返酒店,又話收唔到錢唔開工。我唔信藍潔瑛咁傻,突然話要住五星級酒店,呢啲係開工前傾好!人都走咗要有同情心,呢啲圈內人聽咗就知唔係道理。」

另外,他前晚出席另一活動,表示在電影《淪落人》飾演傷殘人士,要坐輪椅演出,親身體會到當中苦況。