黃祥興信心返晒嚟:睇好呢一年

東方日報
黃祥興在圈中浸淫了十四年,最希望可在事業上作出突破。

藝人黃祥興去年賀自己男人40,改名改名再改名、操肌操肌又操肌,改變自己,挑戰人體極限,為的,就是要在工作上創出一番新氣象。

黃祥興2005年參選第一屆港男而入行,已過了14個年頭。祥興屬法籍華人,半鹹不淡的廣東話,以及健碩的身形,成為他的標記,去年慶祝40歲生日,願望就是挑戰自己。早前他應東網巨星節目「海馬牌床褥特約」《閨蜜睡房之Brother來了》邀請,一連三集與主持人李文珊(Sherman)分享男人40的想法,他說:「睇番一啲同事嘅成績,已經全部去咗一線啦,我仲好似浮浮沉沉咁,令我有少少……(廣東話係障礙?)都係,譬如有五個人,永遠我嘅對白係最後,因為NG就會累到大家要再嚟過,係好大壓力嘅。」

自言廣東話已說得不錯,讓他重拾信心:「睇好呢一年。」早前他便將沿用多年名字「長興」,改為「致豪」,到現在又叫「祥興」,二次改名全為事業,花60日苦練六舊腹肌,亦是為了事業。

搏晒命拒用替身

要突破,就要搏命,祥興珍惜每個演出機會,早前拍攝電影《P風暴》時,他不理腳傷,不肯用替身:「有場戲我要跳落石壆,真係拗柴,我趴喺度,點解郁唔到嘅?之後我拗住柴跑,追鄭嘉穎成個球場,拍完之後成隻腳腫晒。」

這位擁有結實肌肉的壯男,也秉承了法國人浪漫溫柔的一面,與太太育有一對子女的他,每晚會給子女睡前講故事及唱歌。想知道更多黃祥興的真情剖白,就要記得本星期五、六、日收睇《閨蜜睡房之Brother來了》。

一身肌肉的黃祥興,回到家就成了溫柔慈祥的父親。
廣東話已大有進步的黃祥興,與主持Sherman談天說地。