黃澤鋒太太誤吸催淚煙連累女兒 :講句坦白好心痛

黃澤鋒太太誤吸催淚煙連累女兒 :講句坦白好心痛

反修例引發的示威已多次演變成警民衝突,警方發射催淚彈驅散示威者,有催淚煙飄入民居。黃澤鋒太太陳麗麗在其facebook出帖文指出,自己早前誤吸入催淚煙,懷疑經母乳餵哺感染到女兒小黃妃,皮膚出現紅點,幸好女兒有抗體,正慢慢康復中。

今天(20日)澤鋒出席髮廊開張活動時候提及這件事情,他說:「其實太太同女兒慢慢開始好轉,呢兩日都冇太大問題。囡囡仲細,原來最好方法係搽人奶,效果好好,可能抗體問題。咁囡囡都係用人奶沖涼,紅疹慢慢退。不過有一樣唔好,就係佢發脾氣,可能小朋友唔識講嘢,所以呢兩晚都照顧得辛苦。」

這件事情發生後,澤鋒坦言沒有生氣。現年52歲的他說到成長到現在才成為人父母,終於明白當初父母心情:「我發覺小朋友有少少事我都會好赤,講句坦白好心痛。佢有事我真係行唔安坐唔定,第二做父母後真係明白會擔心小朋友幾時好返。我只想佢冇事,嬲唔嬲都係其次。」

現在香港很多地區殘留很多催淚煙的毒素,所以澤鋒盡量避免太太再吸入催淚煙,下令二人少一點去街:「盡量少出街啦叫佢哋,因為你都唔知咩地方有問題,連我自己出完街我返完工返屋企第一時間都係清潔清潔,一定要沖埋涼先掂佢。」

點擊瀏覽《香港01》更多內容和圖集

你可能感興趣:
【區議會選舉2019】屯門公路塞車困擾 黃澤鋒:要起鐵路直出荃灣
黃澤鋒在囡囡設百日宴表明要追多位小朋友 太太麗麗:要入紙申請