黃浩然恨做視帝:憎我就投票!

東方日報
黃浩然對視帝寶座虎視眈眈!

黃浩然憑「尚劍雄」這個賤男角色角逐今年台慶視帝,他笑言觀眾憎他就是愛他,但如果年輕十幾歲,就一定會揀做「Oppa」。他直言恨攞獎,但不忘為同劇的周柏豪拉票。

藝人黃浩然憑無綫劇《多功能老婆》提名《萬千星輝頒獎典禮2019》最佳男主角,他笑言現時出街仍有人表示要打他,所以充滿信心:「咁多年提名過咁多次,今年仲攞唔到就真係……今年機會幾大,其實個角色幾受歡迎,啲人憎我就當係愛我!(演反派好難得獎?)所以我要呼籲大家支持吓,大家憎我就投我一票!」他亦不忘為同劇的楊千嬅及周柏豪拉票:「如果覺得我太衰,咁就投畀柏豪啦!」

對於出道多年來只得過「飛躍進步男藝員」一獎,會否覺得自己跟獎項無緣?他坦言:「係要加埋觀眾口味、天時、地利、人和,所以個獎先咁珍貴。你問我想唔想攞?我想攞!」

靠催眠做賤男

問到身為專一老公,如何把賤男角色演得入型入格?浩然表示主要靠劇本及監製的「催眠」:「監製不斷同我講呢個世界真係有啲咁嘅人,男人唔壞女人唔愛。我初頭都擔心,有啲對白真係好難講。(老婆有咩意見?)佢話睇清楚我個人,哈哈!佢睇得好投入,覺得我喺劇中完全係另一個人,又話原來我可以咁衰。」問到如果可以選擇,會想演《多》劇哪個角色?他說:「後生十幾年,就一定係做Oppa,角色討好又有發揮,不過呢個角色非柏豪莫屬,佢大多兩年都做唔到。我接到劇本時同柏豪講,我唔會畀你贏晒,我要同你競爭吓!」

場地:軒琴居

劇中拋妻棄子,與Oppa柏豪(右)形成強烈對比。
破格演賤男,連老婆都入晒戲鬧埋一份。