黃浩然做「鴕鳥」避諗復課 陳煒祝捷唔准「抄家」

東方日報
劇集收視高企,陳煒笑言祝捷OK,但要保住份身家。

無綫劇集《法證先鋒IV》演員黃浩然、譚俊彥、陳煒與鄭俊弘等,昨日在將軍澳電視城宣傳,該劇收視持續高企,第12集的7天跨平台總收視錄得37.1點,平了首集紀錄!問到慰勞觀眾可有底線,陳煒笑說:「正常嘅就冇問題,但如果要我攞晒啲身家出嚟就當然唔得。」

對於奧斯卡影帝湯漢斯確診新冠肺炎,黃浩然坦言震驚:「我同太太都好注意,好似同媽咪、細妹都冇食飯,只係見一見面。不過演員好難避免,開工已經唔能夠戴口罩,盡量小心。」而他最頭痛是兒子的上學問題:「我同太太直情係避諗呢樣嘢,做父母當然擔心,不過應該都會畀佢返學,睇吓點樣配合學校。」陳煒亦認為演員避無可避,惟有自己小心;譚俊彥則呼籲大家不要鬆懈,避免交叉感染。

拍過幾輯《法證》的鄭俊弘,堪稱「老臣子」。
黃浩然(左)與譚俊彥Chok晒甫鬥型。