黃智雯練歌雪前恥唔捨得走

東方日報
智雯合上眼盡情享受舞台,唱完最後一首歌仍唔捨得走。

無綫花旦黃智雯日前處女下海到雲頂舉行音樂會,出盡渾身解數,勁歌熱舞獨撐粒半鐘。曾被狠批唱歌水皮的她,特別花兩個月時間跟老師上堂練氣,最終於5千觀眾面前成功過關,一雪前恥!

忙於拍攝無綫劇《使徒行者3》的黃智雯,日前抽空到雲頂舉行音樂會,雖然僅逗留3天,但為了首次個人演出兼紀念入行10周年也不敢怠慢,甫到埗即到酒店健身練氣,之後便回房間休息,抖足精神迎接翌晚的挑戰。

由於並非唱家班出身,唱功更曾備受批評,故智雯找老師特訓,亦參與編排演出流程,分享10年來的演藝生涯,就連歌單亦精心挑選,她說:「特別揀咗《On Call 36小時》嘅《連續劇》,同《三個女人一個『因』》嘅《無雙》去唱,因為呢兩套劇對我意義好大,《三》劇仲令我舊年喺星馬攞獎,係美好嘅回憶。同埋亦有揀快歌,同啲Dancer一齊跳舞,大家都好High!」雖然開場時戰戰兢兢,但現場5千觀眾不停鼓掌,為她打下強心針,愈戰愈勇,最終順利完成個半小時的演出。

登台儲經驗

騷後智雯笑指唔夠喉,大讚現場氣氛熱烈:「終於體會到歌手點解咁Enjoy舞台,係會唔捨得落台,以前睇演唱會覺得啲星海好靚,仲話如果自己都擁有就好喇!點知當晚唱最後一首歌時,現場觀眾開住手機燈,營造唔同顏色嘅星海,後來先知有幾個Fans事前準備咗唔同顏色嘅紙,派畀入場觀眾,至做出呢個效果,好多謝佢哋。(之前畀人話唱歌未得,今次一雪前恥?)都係,我覺得唱歌跳舞係要Keep住練,之前冇咩時間Focus,依家登台多經驗多咗,知道投入好緊要,我會繼續努力練習。」

黃智雯
Fans送上蛋糕賀智雯Good Show。