黃智雯恨拋花球爆男友送咗驚喜

東方日報
黃智雯自爆想拋花球,男友識做啦!

藝人黃智雯(Mandy)昨日以一身仙氣打扮,現身荷里活廣場花花世界大派對,即場製作花球及跟粉絲玩遊戲。Mandy自爆讀書時初戀首次收花,花謝了也捨不得丟掉。問到收過最誇張的花束,她坦言由男友所送的大盒玫瑰花,今年情人節也有收花:「唔係我要求,但佢會做,覺得好Sweet。(男友係浪漫之人?)我覺得係,但佢唔會講出聲,做出嚟畀個驚喜你,我都幾欣賞!低調得嚟浪漫。」至於自己做過最浪漫之事,是拍拖一周年將兩人的相片製成畫冊。

幻想花海行禮

Mandy在台上整完花球後,揚言想拋花球,問到是否恨嫁?她卻否認:「我係鍾意掟嗰下!杏兒(胡杏兒)結婚拋嘅花球係我收到,其實唔係我接到,係佢夾硬畀我!不過我覺得都係開心,係一種祝福。(有結婚計劃未?)未,但我成日幻想將來個婚禮喺花海。」談到工作,她表示拍攝《降魔的2.0》如火如荼,但因超時關係,預計拍到五月中,拍畢後會先休息一陣子。

玩完遊戲又自拍,黃智雯冧盡粉絲。
黃智雯即場餵女觀眾,羨煞男粉絲!