黃智賢「坐」長氣勢靠把口鬥惠英紅

東方日報
黃智賢讚《鐵探》題材新鮮。

黃智賢在無綫新劇全程坐輪椅演出,靠把口與影后惠英紅鬥戲,挑戰極大。他又讚首次合作的蔡思貝非常熱血,喚起他心中的一團火。

無綫藝員黃智賢在新劇《鐵探》中可謂演得最舒服的演員,皆因其角色不良於行,要坐在輪椅上演出,靠「食腦」與惠英紅、許紹雄鬥智爭做警隊一哥,他說:「全套劇坐喺輪椅拍都係第一次,都幾新鮮,多謝公司優待。但坐喺度演都有難度,因為有走位記對白係容易啲,而且我個角色講求淡定,要表現出智慧,全靠把口;都羨慕其他演員拍槍林彈雨戲。」

他覺得《鐵探》題材新鮮,因甚少有電影及劇集講述警隊高層權鬥,有別一般英雄主義的警匪片:「同惠英紅最多對手戲,佢未離開無綫前,合作過兩套古裝劇。今次同影后級合作好有挑戰性、好刺激,亦要有充足準備,好耐都未試過呢種感覺。」

讚蔡思貝熱血

黃智賢又大讚首次合作的蔡思貝,更喚起其心中火花:「佢係一個好搏嘅年輕人,好認真!演員係需要搵生活體驗去符合角色,佢好投入去試。有場戲要佢喘住氣講嘢,佢真係走去跑圈,跑到面紅耳熱,好難得呢啲真實感覺,係初入行先有,亦喚醒我作為演員嘅火熱。自己以前都有,嗰陣人生體驗唔夠,就搵真實感受去彌補。」問到可有指點蔡思貝?他說:「唔會,演員係需要經歷,好欣賞佢攞個真感覺出嚟,年輕有年輕嘅可愛,好欣賞佢單純嘅追求。」

場地:香港九龍東皇冠假日酒店

能夠與惠英紅鬥戲,黃智賢過足戲癮。
黃智賢全程坐輪椅拍劇。
蔡思貝獲讚是勤力演員。