黃智賢扮豬食老虎 捱苦留番畀展鵬

東方日報
黃智賢笑言動作戲留畀拍檔陳展鵬。

日前藝人黃智賢到屯門拍攝新劇,再演幹探的他笑言辛苦的動作戲可能要拜託另一主角陳展鵬負責。

日前黃智賢(Ben)與楊柳青、黃嘉樂及林熹瞳(Rachel)等到屯門拍攝無綫新劇《逆天奇案》,劇中他與楊柳青等飾演警察屢破奇案,嘉樂及Rachel則是單元人物,飾演情侶。Ben透露跟另外兩位主角陳展鵬及蔣祖曼均是首次合作,加上故事由十個單元組成,有兇殺案、綁架案、商業罪案及有飛車場面,定必給觀眾新鮮感。問到大熱天時拍戲是否辛苦?他說:「點都有啲捉賊動作戲,熱係幾辛苦,未知之後仲有咩大場面添,我都幾期待,不過我角色係食腦多,可能最辛苦嘅嘢都留番畀展鵬,佢Fit呀!」又直言近年都偏向演專業人士或機智冷靜型,笑言想嘗試「蠢蠢哋」及「扮豬食老虎」的角色。

楊柳青打開有條路

擅拍動作戲的楊柳青角色性格粗魯兼男仔頭,笑言猶如做番自己,她表示劇中會有打鬥及槍戰戲,已隨時Ready:「都習慣,拍過電影要打,成身污糟晒都冇問題,預咗行呢個路線。」

至於扮演士多老闆的黃嘉樂與女友Rachel捲入一宗強姦及兇殺案,有不少情緒激動戲份,留鬚的嘉樂滿意成熟草根Look,不想再予人童顏感覺。

林熹瞳咳血無礙演出

首次拍無綫劇的Rachel早前診斷出患支氣管擴張症,感冒就容易咳血,她指試造型前一晚亦有咳血,幸好暫時情況良好,未有影響拍攝:「個病係冇得根治,但唔會影響壽命。(拍劇辛唔辛苦?)冇乜嘢,大家都好努力,拍攝好順利,好開心有個咁有發揮嘅角色。」

楊柳青拍慣打戲零難度。
黃嘉樂與Rachel演情侶,仲有激情戲。