黃心穎IG正式回應安心偷食 「對不起 我做錯了」

東方新地 - 娛聞

安心偷食一事曝光後一日,繼昨晚當時人許志安出席記招道歉,今日透過樂易玲轉達表示自己好後悔及對不起男友馬國明黃心穎今午亦終於在IG發相,並留言向大家公開認錯道歉!

撰文:東方新地|圖片:Instagram

延伸閱讀:

58歲吳廷燁演黑幫殺氣超入骨 半山搬公屋照顧93歲母!

【安心偷食】憔悴馬國明首現身 Man爆保護黃心穎

黃心穎正式公開回應安心偷食

心穎於IG留言:「對不起,我做錯了。是我做了非常錯誤、難以令人原諒的事,感到十分羞愧、歉疚。我在此向所有受事件影響及受到傷害的人誠心由衷道歉。犯下如此嚴重的過錯,我無法面對自己,也不知道怎樣去面對家人、馬明、朋友、公司、同事…… 不敢奢求大家的原諒,只懇求大家能給予所有受牽連的人一點空間。我認真反省自己的過失, 接受懲罰承擔後果。再一次,『對不起大家』」

對不起,我做錯了。 是我做了非常錯誤、難以令人原諒的事,感到十分羞愧、歉疚。 我在此向所有受事件影響及受到傷害的人誠心由衷道歉。 犯下如此嚴重的過錯,我無法面對自己,也不知道怎樣去面對家人、馬明、朋友、公司、同事…… 不敢奢求大家的原諒,只懇求大家能給予所有受牽連的人一點空間。 我認真反省自己的過失, 接受懲罰承擔後果。 再一次,「對不起大家」

A post shared by 黃心穎 Jacqueline B. Wong (@jacquelinebwong) on Apr 17, 2019 at 1:53am PDT


留言與相片內容一致。

無綫高層樂易玲今日回應傳媒,代心穎回應:「琴日好多記者搵我,我話想沉澱一下,點去處理這件事,同公司及同事商量點去回應。噚晚同心穎傾咗好耐,佢好後悔好後悔,佢知道自己犯咗好大嘅錯,佢好對唔住受牽連嘅人,特別係父母及家人,對唔住公司、對唔住馬明同馬明嘅屋企人。呢一刻佢嘅情緒仍然未平伏。公司覺得佢需要休息一段時間嘅。」


至於大家都好關心嘅馬國明,樂易玲表示他目前心情OK,樂小姐說:「馬明話佢OK,大家唔使擔心佢。馬明佢好乖,佢自己要求繼續開工,叫大家唔使遷就佢,所以佢今晚會繼續如常開工拍攝《降魔的》外景。」

許志安、黃心穎偷食斷正

昨日,一段長約16分鐘「安心偷食」短片流出,片段中安仔、心穎和男友人坐在車廂後座,男友人堅持先送心穎返家,戴了黑色口罩的心穎爆粗反對:「唔好扮嘢啦!X你!兜X咗我先?」安仔都撐心穎話要先送男友人返屋企,心穎再向男友人爆粗:「你住邊呀?X你!佢(安仔)送我返去呀!」安仔叫司機把車開去大坑,期間心穎曾主動蹺實安仔左臂挨在他身上,又用手袋遮掩偷偷地十指緊扣。約3分鐘後男友人抵家預備落車,安仔話:「而家你走先,跟住我返我屋企,佢(心穎)返佢屋企。」男友人:「你講堅?」安仔:「係,堅!」但男友人落車後二人跟司機說:「鯉魚門(心穎寓所地點)!」

根據黃心穎、許志安在片中的衣著打扮,相信出事短片是4月3日二人出應朋友的飯局之後!
黃心穎又靚又好身材,入行後緋聞不斷,如今仲偷食鄭秀文老公許志安,相信星途凍過水!

友人下車後,心穎隔口罩咀了安仔一啖,不久索性除下口罩攬住安仔咀嘴,安仔將手貼在心穎大腿上,之後又忍唔住十指緊扣心穎,由大坑到鯉魚門短短10多分鐘車程,期間二人連環咀逾20次,心穎好進激,全程採取「主動」情挑安仔不停攬他狂錫,但安仔也有回敬心穎錫她面珠一啖,睇番二人當晚未覺有醉意,兩人到心穎香閨後齊齊落車,後事如何佢哋最清楚!

黃心穎曾在IG上載跟安仔、方力申、劉浩龍、梁漢文、丁子高等出席男友人生日飯局的照片,二人的打扮跟車廂偷食的衣服一模一樣。
報道指黃心穎同安仔近月行得好埋,連朋友都聞到陣除!

去年10月,心穎同安仔在大台「星光熠熠耀保良」拖手合唱《會過去的》,就是由安仔身邊的男同事安排。當晚,心穎跟安仔合唱後,亦有在IG上載合照,心穎在IG寫:「好記得某年暑假、車上不停loop住《一步一生》呢首歌,當時我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台!Thank you 安仔好好咁不停同我地rehearse。」

黃心穎與許志安於2018年10月為籌款節目《星光熠熠耀保良》合唱,二人在台上手拖手獻唱合唱歌曲「會過去的」,當時已經默契十足,不時情深對望。
黃心穎都有Follow安仔IG!

心穎更不時於安仔IG留言,言詞表現曖昧!

許志安為「安心偷食」事件 爆喊鞠躬道歉

晚上七點,許志安舉行記招交代偷食事件,於黃柏高陪同下現身,全黑打扮嘅安仔向大家道歉鞠躬,坐低即爆喊話:「親口同大家講對唔住,為我家人,Sammi家人、同朋友道歉,自己做咗不被原諒嘅事,呢個錯我深深反思,我係醜惡嘅人,今日係承擔責任。我嗰晚飲咗好多酒,但呢個唔係藉口,好難面對接受自己。」

許志安
許志安

安仔續說:「我覺得自己好丟臉,我嘔心、好陌生,我有深刻既反思自己,點解去犯呢個錯誤點解唔可以控制自己犯呢個錯,起咗呢個色心。我覺得係承擔責任度,我會分兩個部分,第一個部分,我會暫停自己工作,直至搵番真正嘅自己。第二係心靈上面,我覺得自己不知所謂,我嘅行為令身邊人咁大壓力同痛苦。」

安仔表示自己做咗「不可離補、不被原諒嘅事」,將會暫停演藝工作,以重新檢視自己嘅安仔再續指:「希望將來一些被我整傷的人,呢個報道令我反思,我迷失咗我自己,我對唔住Sammi,我唔知點去走我以後嘅路,呢一刻係冇咗靈魂,我係一個壞咗嘅人,希望大家可以畀時間我搵番我自己,我要同所有朋友講對唔住」,之後鞠躬5秒後離場,並未有回應在場傳媒提問!

延伸閱讀:

大肚胡杏兒帶囝囝聚會 鍾嘉欣囡囡賣萌搶fo