黃心穎陪嫁學做老婆

東方日報
黃心穎拿手煮即食麵加蛋。

藝人黃心穎昨日為煮食大賽擔任評判,自言廚藝不精的她平日多是煮即食麵及煎蛋,更決定婚後才開始學廚。對於婚期,心穎卻耍手兼擰頭,還推家姐作擋箭牌:「我三家姐結啦!嚟緊呢個星期就出發去澳洲,我都好忙,因為佢冇Wedding Planner,我都要幫手。」問到是否學定做人妻?她笑指很多結婚細節也不知:「依家先知揭頭紗係有支棒撩,仲係要買嘅,斟茶套杯碟同個墊都係要新,所以我都好辛苦。」

問男友馬國明會否同行?她坦言有邀請對方,但未知會否出席:「我哋唔係一齊出發,其實我哋成家人都好少Family Trip,所以都請咗幾日假留低玩吓,之後返嚟拍五個月劇冇得休息,所以都幾期待。」