黃心穎永不超生 冇得入圍台慶頒獎禮

心穎仲未有得「翻生」!

原定今晚無綫台慶夜公布12月15日舉行的頒獎禮提名名單,卻因節目改為錄影而取消,連頒獎禮亦改至明年1月11或12日舉行。多套受歡迎的劇集候選,亦成為不少劇迷的目標,可惜其中一套熱捧劇《牛下女高音》女主角黃心穎,因偷食人夫而敗走美國,無綫索性不予她入圍候選相關獎項,心穎繼冇得宣傳後再冇得候選,可謂「永不超生」;而每年一度的台慶盆菜宴,亦延後至2月13、14日舉行聯歡。