黃宗澤生仔成家?阿媽帶頭反對!

東方日報
黃宗澤直言沒想過組織家庭。

無綫型男黃宗澤自幼與母親相依為命,腦海從未浮現過美滿家庭的畫面。他坦言至今仍未有結婚的想法,亦不渴望生小朋友。

藝人黃宗澤(Bosco)為「繽FUN星網」炮製的全新節目「Sakura Group特約」《#娛樂Hashtag》擔任嘉賓響頭炮,與主持俞詠文(Angela)暢談圈中趣事。

冇諗過結婚

Bosco當年獲無綫力捧為「新五虎」,最近在熱播劇《飛虎之雷霆極戰》中與另外「兩虎」吳卓羲(Ron)及馬國明再度攜手合作,Angela指他與Ron似乎經常取笑馬國明,他說:「絕對唔係取笑佢!佢比較文靜,但無端端會彈一句出嚟笑死你,真係幾可愛!」

快將踏入4字頭,問Bosco可有想過成家立室,展開人生另一個階段?經常被問這個問題的他直言:「但我從來冇諗過喎!」在單親家庭長大的他,坦言未曾有過幸福家庭的畫面:「阿媽冇催我,有親戚問我幾時生個孫畀阿媽玩,阿媽第一個反對喎,話唔好搞佢,所以我使乜催自己啫!(你鍾唔鍾意小朋友?)冇呢個感覺,應該咁講,我冇呢個渴望。」