黃宗澤拆石膏「裸拔」五口鋼釘

東方日報
黃宗澤

正為邵氏網劇《飛虎之雷霆極戰》趕工的黃宗澤(Bosco),上月拍攝時不慎夾傷左腳掌致骨折,需動手術取出碎骨再鑲鋼釘。他休息不足兩周便復工,包着石膏拍文戲,帶着「天殘腳」出入,一拐一拐,苦不堪言!

尚未完全康復的Bosco前日終於可以拆石膏,同時抽出鑲在腳掌內的五顆鋼釘,他受訪時說:「冇得打麻醉o架!我呢啲叫『裸拔』!我仲聽到釘同骨之間嘅摩擦聲,幾核突o架!」

趕煞科立即復工

Bosco續指今次可以拆石膏,全因獲醫生體諒:「醫生話我包住石膏,都成日開工又出宣傳,索性拆咗,等我舒服啲!拆完個感覺,簡直係又美麗又涼快!不過醫生要我聽話,嚟緊一個月唔可以踩腳落地,所以要着住腳套,撐拐杖行路。」雖然剛受過拔釘之苦,但他未有好好休息,隨即全副武裝上陣,撐着拐杖及戴腳套開工。他表示因劇組趕着月底煞科,所以盡量配合,身旁的前輩姜大偉亦大讚他敬業!

Bosco咬緊牙關,忍痛拔出五口鋼釘。
剛拆完石膏就開工,姜大偉都讚!