【黃子華棟篤笑】仲夠膽開成萬蚊天價!黃牛今次蝕唔蝕?

東方新地 - 娛聞

「棟篤男神」黃子華嘅最後一個棟篤笑騷《黃子華棟篤笑金盆𠺘口》,早前七月六號晚就已經喺紅館開鑼。開騷以嚟,呢場「最後的棟篤笑騷」大獲好評,社交平台上嘅網民都紛紛表示不捨,話「希望再有棟篤笑睇啦!」、「唔好最後一場」、「希望子華神反囗」咁喎,仲有唔少人求飛添!但經過一番研究,小編就發現今次啲黃牛好似唔割價都搞唔掂喎⋯⋯

撰文:東方新地|圖片:黃子華fb、網上截圖、新傳媒圖片

 

黃子華最後棟篤笑

黃子華棟篤笑開騷前,見有疑似黃牛黨喺場外兜售,諗番起早排搶飛嘅空前盛況,老實講都不足為奇啦!但奇就奇在,呢班黃牛割哂價都無人問津喎!其實為咗趕絕黃牛,子華神唔單止嬲到拍片呼籲政府介入杜絕黃牛炒賣,仲要一口氣開足26場!小編就好奇喇,咁依家啲黃牛炒賣仲可以搞成點呢?

黃子華
黃子華話嬲到連鬚都未剃都要拍片講!

唔止網上有流傳話途人目擊黃牛割價都冇人理,小編都自己去咗兩個黃牛網到搵《金盆𠺘口》尾場(7月31日晚)嘅黃牛票價,截稿日前發現好似都仲有大把飛淨喎!飛就未賣哂,但班黃牛竟然仲夠膽死開天價!

原本票價最貴就$880,其餘票價為$680、$480、$380、$280。

黃子華

第一個黃牛網就搵到最高五千幾蚊張飛!即係差不多六倍幾七倍啊!不過就咁睇一睇,都仲有幾十張淨喎!

黃子華棟篤笑金盆��口

呢個網就更加獅子開大口,其實六千幾蚊已經係原價嘅七倍啦!不過睇嚟都仲有好多飛賣唔出喎~

黃子華棟篤笑金盆��口

愈睇就愈誇張,連萬五蚊有黃牛夠膽死開!即係原價嘅十七倍啊!!!小編睇到都覺得係不知所謂啊!

黃子華

男神之前如是都說:

「所以一方面我呼籲政府係咪應該幫吓手,另一方面,我真係呼籲一啲嘅fans、一啲觀眾,我哋就唔好買(黃牛)囉!唔好買!唔緊要嘅。即係如果我做騷有一大段位、一大堆空,最前嗰啲空晒佢…如果我見到好多場都係咁,咁即係證明好多人可能冇買黃牛喎,可能咪做番一、兩場,補番俾呢啲觀眾囉,不過可能要出年。不過出年仍然有黃牛呢個問題吖嘛!所以呢個係杜絕唔到,當你個法例唔去改變嘅時候…但我都仍然呼籲大家盡量,唔好盡量,就唔買囉!我知道咁樣講又被人鬧,然後我團隊又會崩潰,點解…我哋只係做表演啫,點解會被人鬧?」

 

老實講,小編覺得黃牛真係完全唔抵幫襯囉!如果大家真係好想睇黃子華棟篤笑,不如依家睇住啲金句花絮,等子華神出碟,再真.支持男神啦!

黃子華最後棟篤笑今開騷 又係時候回顧金句錄

黃子華腦力爆煲 完騷避世 快斬1億收咪

延伸閱讀:

楊思琦噴血寫真 誘惑床照先睹為快