黃子恆4度撩開房 迪子寸爆:撳鐘仔錢都慳!

東方日報
迪子玩SM感覺的MV出街後,即被黃子恆大膽邀「開房」。


黃子恆被爆搞大粉絲個肚後,更多桃色舊帳陸續被翻出,原來前年與人妻裕美斬纜後,他即轉移目標到擁35E「胸器」的歌手迪子身上,被爆「約炮」玩「人魔大戰」,遭拒絕後更爆粗大鬧對方!迪子嬲爆斥黃子恆不尊重女性,更寸他連「撳鐘仔」的錢都慳!


無綫藝人黃子恆日前被爆偷食國產粉絲Michelle,對方更自稱懷有其BB,被桃色風波纏身的他其實早有不少前科,繼兩年前介入歌手裕美的婚姻,偷食人妻不到4個月後,他已有新目標,睇中迪子並開始暗示「約炮」,除提出去酒店外,去年更三度邀約上其家,前後共4次希望她提供「服務」!


根據兩人對話截圖,黃子恆於前年萬聖節約迪子「開房」,當時拍攝《降魔的》的他,更入晒戲約她玩「人魔大戰」,更謂:「依家出面啲細酒店都好平,但我驚我咁夜先入去佢要我身份證登記。」之後就提議去九龍塘,但迪子就表示對SP(Sex Partner)關係沒有興趣,不會與他「開房」。


抱得緊緊的交流


去年初他又找迪子,想約她到其家提供「服務」,但對方回覆:「我只服務我的男朋友。」他續稱:「我不需要服務,我只需要交流,抱得緊緊的。」迪子即指自己不適合他,並寸他:「你還是找人妻吧!」對方即嬲到爆粗。相隔大半年,黃子恆年底再邀她上門飲酒,但仍遭拒絕,隔幾日再想出另一藉口,約她到家中玩Live唱歌,但迪子見他的琴放在床尾,便稱孤男寡女不方便,再次拒絕。


對此,迪子昨日受訪表示與黃子恆相識十多年,入行前由夾band朋友介紹,一直都是普通朋友關係,五、六年前對方找她教琴,曾上對方家教琴,亦有與對方單獨出來飲酒,但一直相安無事。直至近年,她推出有SM感覺的《一蓮托生》MV後,對方就開始向她傳一些奇怪露骨訊息:「我唔知佢講笑定認真,我當佢講笑,我咁樣回應番佢,佢都唔應該小器。(佢爆粗鬧你?)我有啲嬲嘅,因為冇乜人夠膽用粗口鬧我,佢對人嘅基本尊重都冇。」


鬧爆唔係男人


講到對方約她「開房」,她說:「我切切實實話佢聽我唔會同佢開房,我唔會同朋友做呢啲嘢,淨係同男朋友,覺得佢咁樣唔尊重女人,唔係男人,有需要就去『撳鐘仔』,呢啲錢都要慳!」


她指自對方撩她開Live失敗後,已沒再聯絡,並謂對方回答及行為愈來愈過分:「佢似乎唔識改,如果唔係唔會發生咁大件事,大人要負責番自己嘅後果,但其實小朋友係最無辜。(憎呢個人?)對佢冇感覺,但佢成日扮深情講嘢,又會扮正經。」她亦稱不想再理這些麻煩事:「雖然覺得可惜,但真係要捨棄損友,同埋要小心啲識朋友。」


另外,聲稱被黃子恆搞大個肚的Michelle,被問到有傳男方撩迪子「開房」一事,她表示:「不關我的事,不會再回應!」至於對方聲稱年半沒有見過她,但她卻懷有四個月身孕,她依然以「不作回應」來回覆,不願再多談。




黃子恆接連被翻出桃色舊帳,形象插水。
迪子昨受訪嬲爆鬧黃子恆唔係男人!
黃子恆傳露骨短訊邀迪子「人魔大戰」,被拒後更爆粗!
黃子恆被粉絲Michelle爆搞大個肚後,桃色緋聞纏身。

 

是日精選

陳法拉帶男友返美國過聖誕

楊秀惠43吋長腿色誘大帥哥

是咁的-有口碑-王君馨暗示拍續集

黃芷晴認母患血癌換骨髓康復中

張智霖攬到缺氧遭薛家燕頂親

啤梨掟400萬買樓畀老婆揸手

baby傳離婚懶理-流料

感情保鮮30年不變-劉嘉玲梁朝偉4大婚姻信條-定要學

住洋樓養番狗-張衞健五千呎豪宅曝光

大台首位模特兒新聞小花-呢位新晉主播黎在山原來係-科大之花-大有來頭