黃埔居民歐瑞偉盧惠光嚴加防疫

東方日報
歐瑞偉拍攝家居照報平安。

昨日本港出現首宗武漢肺炎死亡個案,死者居於黃埔花園。藝人盧惠光與歐瑞偉同為黃埔居民,歐瑞偉拍攝家居照報平安,受訪時直言:「我住黃埔,雖然係同一期,不過距離好遠,暫時冇事,唔擔心得咁多。(家人如何?)我哋會做好個人清潔同防範措施。(要隔離?)唔使。(有冇影響開工?)冇影響《愛.回家》工作,有心,多謝!」而盧惠光坦言嚇了一驚:「對方嘅座數離我屋企都遠,初頭傳出嚟嚇死!我哋依家唔出街,離開屋企就戴口罩!」

另外,由於疫情蔓延,無綫就劇集拍攝發出內部指引,有關外景的室內拍攝因工作人員多,以及擔心通風系統容易傳播病菌,所以暫時不安排傳媒進行探班,直至疫情完結為止。