黃嘉雯秘學「戲」功求拍劇

東方日報
王菲(左起)、黃嘉雯與古佩玲寄望鼠年有劇拍,可以盡快入屋!

港姐冠軍黃嘉雯、亞軍王菲與季軍古佩玲相約打邊爐團拜,希望新一年財運、好運滾滾齊來,最想今年有機會拍劇。黃嘉雯表示早前與「A貨雷神」老外男友Matej返瑞士家鄉旅行,新年則會到她家拜年,男友已學定「煲冬瓜」方便與其家人溝通:「佢依家學緊普通話,但唔鍾意同我講,覺得我會Challenge佢……」

王菲攝太歲避凶

提到即將參選華姐,黃嘉雯笑言去瑞士旅行時不停食,身材略為走樣:「依家好似冇晒肌肉咁!不過我好有正能量,雖然得番一個月時間有啲緊迫,但就唔會戒口,靠運動Keep Fit。」恨拍劇的她又指一直有上堂學演戲,秘密裝備自己。

至於肖鼠的王菲今年犯太歲,跟媽咪去攝太歲趨吉避凶,笑指最有機會拍《愛.回家之開心速遞》,還自認是粉絲!而古佩玲一直在加拿大讀書,已經有五、六年沒與家人過年,最掛念住家飯,今年終能與家人過年相當開心。

場地:酒鍋

三個女人一個爐,雞啄唔斷!