黃嘉雯想取代鄭裕玲?

東方日報
古佩玲(左起)、黃嘉雯及王菲扮靚靚出席晚宴。

應屆港姐冠軍黃嘉雯、亞軍王菲及季軍古佩玲前晚出席《歡樂滿東華2019》籌款活動晚宴,黃嘉雯透露台慶將分別與前輩表演跳舞,寄望能擦出火花。曾於參選期間跳過印度舞的她,表示今次將有新嘗試,因其筋骨有點硬,笑言現時每日努力拉筋:「好開心有機會認識到啲前輩同師姐。(你想同邊個小生合作?)組合農夫,相信一定開心同搞笑,佢哋轉數好快。(想取代鄭裕玲?)唔係,一齊做啦!」

而王菲則想與視帝王浩信合作:「呢排有追睇《解決師》,佢啲打鬥場面好型,希望公司安排啦!」至於古佩玲就想與另一視帝黎耀祥合作:「選港姐時佢畀咗好多意見我,本身怕醜同靜,成日驚講錯嘢,佢就叫我活潑啲,有咩就要出聲。」

黃嘉雯有舞蹈底,跳絲帶舞冇難度啦!