黃嘉雯學策騎被恰喊驚

東方日報
黃嘉雯即將出戰華姐,開始戒口Keep Fit。

港姐黃嘉雯、王菲及黃庭鋒、胡(非玉)昨日盛裝出席無綫明珠台《浪琴表香港馬術大師賽2020》的記者會。黃嘉雯指曾跟朋友學策騎約2、3個月:「雖然學嘅期間都好Enjoy,但一啲都唔容易,每次上堂都會好驚,控制得唔好,反而會恰番你轉頭!」被問是否駕馭男友的技術較佳?她笑說:「動物難控制啲!我唔會控制男友,好自由,會互相遷就、體諒。」

講到剛過去的聖誕節孖男友去瑞士過節,黃嘉雯指感覺似過外國版農曆新年:「去咗10日,每日都好Chill咁滑雪、室外溜冰,好開心。(新年去拜年會驚被催婚?)唔驚!屋企人都知我事業啱啱起步。(就嚟選華姐,唔敢食太多?)唔會食咁多炸嘢。」而自言以事業為重的王菲亦不怕被催婚:「男友年紀同我都差唔多,佢都想努力工作。」

王菲以事業為重,暫時唔諗終身大事。