麥美恩有拖拍 隨時引退

東方日報
麥美恩不介意被網民批評,笑言好過冇人留意。

藝人麥美恩(Mayanne)參選港姐後獲無綫力捧,經常主持大型節目,但她竟揚言若遇上Mr. Right,有可能放棄事業!不過她現時單身,惟有寄情工作,希望由綜藝路線轉型拍劇。

麥美恩2011年參選香港小姐,奪第4名而入行,隨即加入無綫娛樂新聞台,又參與不同綜藝節目,包括《學是學非》及《森美旅行團》等,成功入屋,深受網友愛戴,她接受東網節目《娛場》訪問時坦言:「網民真係好留意我啲細微嘢,又會話我『點解做埋啲表情咁核突』、『佢真係好肥喎』、『佢都唔靚女』,聽到呢啲說話,我唔會當係攻擊,反而好奇點解啲人可以咁得閒逐格Cap我啲樣,所以就同《學是學非》嘅導演、撰稿員夾埋做啲嘢,點知真係有反應,變相個互動變得好得意,令到大家對我嘅印象更加深刻。」

鏡頭前的她大情大性,不介意醜化自己,但現實中原來心思細密,處處為人設想:「我講嘢係好叻,但有啲嘢唔敢講,呢個係做主持好矛盾嘅位,所以好多時我寧願笑自己,寧願將自己成為一個焦點被取笑,咁樣就唔會影響人。」

恨轉型拍劇

講到感情世界,她揚言若遇上真命天子,可能放棄事業:「如果遇到啱嘅人,我覺得可以取捨。如果遇到一個錫你嘅人,我覺得嗰個滿足感大過所得到嘅成績!」奈何她仍未遇上「對的人」,惟有寄情工作,希望由綜藝路線轉型拍劇。

https://bit.ly/3aeklem

性格率直的麥美恩,於鏡頭前不會亂講嘢。
若遇上真命天子,麥美恩不排除放棄事業。