麥浚龍驚新歌難消化

東方日報
麥浚龍出心出力,打造一個歷時三年的音樂計劃。

麥浚龍昨日到電台宣傳新歌《忘記和記》,他透露去年12月推出大碟後,下月會再出Part 2:「我幻想個音樂企劃會歷時3年,因為仲有好多歌未消化到,好想啲歌畀觀眾一張一張牌咁揭開。嚟緊謝安琪會出個人專輯,我都開始做緊我嘅個人專輯。(因應社會狀況加入新概念?)依家樂壇派歌少咗好多,都停晒,但我哋希望傳遞希望。我反而驚市場消唔消化到我咁多歌,驚出得太密!(擔心新碟銷量?)唔諗得太多,懷住正面、善良嘅心去做。」