麥明詩收入大減放風翻兜無綫?

東方日報
原本備受力捧,最後為夢想而改簽「綠葉約」。

「十優港姐」麥明詩現時在台灣從事法律工作,早前以Video Call形式與陸浩明及馮盈盈主持節目時吐苦水,指除了日以繼夜工作,人工還比做藝人時大幅下降,揚言不排除重返無綫!

畢業於英國劍橋大學法律系的麥明詩,2015年參選港姐奪冠後受力捧,本來大好「錢」途,但她去年突然放棄無綫包薪藝員合約,改簽一年一Show制的「綠葉約」,甘願放下港姐冠軍光環,由零開始飛到台灣從事法律工作。

回流做高層:都有可能

麥明詩原本返港與陸浩明及馮盈盈主持《#後生仔傾吓偈》,但受疫情影響而未能現身,改以Video Call「隔空」主持。當其中一名主持Tiffany問:「你幾時返嚟請我哋食飯呀?」她突然大感無奈、嘆氣說:「我要重申一次,依家收入係有大幅下降,去到呢份工先更明白咩叫為興趣同熱誠去做。同埋我依家好明白打工仔嘅辛苦,每日都要七點幾起身,雖然有時拍劇都要早起身,但依家係日以繼夜唔會完。」又指因應公司計劃而到不同地方工作,馮盈盈問她:「出去兜幾耐先返嚟?」又指睇好她有日回流無綫做高層,麥明詩即笑說:「都有呢個可能!」

「心底係非常珍惜份工」

為追夢收入大減,不少網友猜測她今次「放風」想翻兜做藝人,但她昨日在社交網澄清只是表達作為打工仔的感受:「心底裏我係非常珍惜呢份工同埋不斷繼續學習嘅機會,亦喜歡自力更生嘅感覺,當初亦係因為咁嘅原因才作出呢個決定。」接受本報電話訪問時,被問是否想重返娛圈,她說:「個個打工仔都會呻吓o架喇!只係因為《後生仔》500集,覺得都係一個里程碑,所以上去同大家Say個Hi!」

麥明詩上載工作照,皺眉頭狀甚辛苦。