麥包教金剛求婚:搞大個肚咪得!

東方日報
麥包(左)教蠱惑招,金剛讚掂。

藝人金剛與麥長青(麥包)昨日現身九龍灣,宣傳ViuTV節目《C9旅行團》,二人笑言與多位平均年齡超過40歲的煮婦暢遊台北及宜蘭,覺得這班「師奶」膽識過人,玩滑翔傘之餘又揸快車!

麥包表示與金剛女友梁云菲緣慳一面:「本來以為喺台灣,可以坐低食餐飯,但拍到冇時間!」而金剛笑言計劃明年拉埋天窗,麥包即說:「佢女友話要求婚時驚喜到喊先會答應。(過招畀金剛?)搞大個肚咪得囉!驗孕棒有兩條間,真係好驚喜,然後再話唔娶佢,仲唔喊?」金剛笑言:「咁3秒就搞掂喎!」全場爆笑。