【小生花旦荒之禍?】近年無綫劇集忘年戀CP 最大差距竟然有46年

近年無綫大量小生花旦離巢返大陸搵人仔,導致演員青黃不接。女演員都還好,每年都有一班港姐、華姐補位,但男演員情況就好嚴重,得返一班前輩級留喺無綫。搞到近年大量忘年戀CP出現。

2018:

《平安谷之詭谷傳說》劉江&朱晨麗/龔嘉欣

村長劉江同三太太朱晨麗年齡差距44年,同四太太龔嘉欣年齡差距46年。

《無間道》王陽&蘇麗珊

王陽飾演子彈sir同蘇麗珊飾演嘅女警,雖然年齡差距14年,但呢對CP獲網民喜愛。

2017:
《親親我好媽》韋家雄&陳敏之

韋家雄飾演校工成吉思同陳敏之飾演訓導主任文嘉熙,佢哋年齡差距13年。

《超時空男臣》王君馨&曹永廉

太子妃王君馨同左侍郎曹永廉,由明朝愛到現代,雖然二人年齡差距22年,但觀眾仍然喜愛。

《燦爛的外母》林嘉華&姚子羚

姚子羚與林嘉華喺劇中飾演一對,更有咀嘴戲份,有網民指60歲嘅嘉華哥與36歲嘅子羚相差24歲,對於兩人演情侶感到難以接受。

《雜警奇兵》黃智賢&黃智雯

大肚女警黃智雯同慢條斯里黃智賢,性格超級唔夾嘅一對,年齡差距15年。

《誇世代》張繼聰&江嘉敏

張繼聰同江嘉敏除咗年齡差距15年,劇中仲差啲成為兄妹。

《性在有情》張兆輝&陳敏之

性教育劇集《性在有情》中張兆輝同陳敏之,年齡差距16年,不過都幾襯。

2016:
《殭》關禮傑&劉佩玥

劇中關禮條係明朝錦衣衛首領同殭屍大戰後力盡身亡,後被雷劈中成為不死人。同助手劉佩玥有感情綫,二人年齡差距28年。

《巨輪II》蕭正楠&陳凱琳

劇中羅威信(蕭正楠飾)愛上仇人高天鷲個養女伊娜(陳凱琳飾),年齡差距14年。

《城寨英雄》伍允龍&劉佩玥

《城寨英雄》飾演貓仔的伍允龍和飾演德莉的劉佩玥愛得痴纏,感動唔少觀眾。二人年齡差距12年。

《一屋老友記》歐陽震華&胡定欣

劇中歐陽震華佩飾演中年大佬寶歡愛上胡定欣飾演性格粗豪女水電工朱燦燦,年齡差距21年。

《巾幗梟雄之諜血長天》黎耀祥&胡杏兒

游擊隊隊長江尚紅(黎耀祥飾)戀上同樣係失去另一伴嘅張寄生(胡杏兒飾),二人年齡差距15年。