高Ling胸壓楊明攰到瞓地

東方日報
楊明孭住高Ling玩深蹲,做得四下咋!

藝人湯洛雯(靚湯)、高海寧(高Ling)、楊明等昨日為無綫劇集《婚姻合伙人》宣傳,一拐一拐的靚湯透露剛從英國返港,期間因跑步連環左右腳拗柴:「打橫瞓落地,右腳冇乜事,左腳就腫咗,未有時間睇跌打,惟有捽散佢,當時個心真係浮一浮。」更指不擔心下月初拍《法證先鋒IV》體重不達標。

眾演員在活動中玩攀石,楊明孭住高Ling玩深蹲,雖然他被高Ling胸壓,但似乎無福消受,表現力有不逮,還被高Ling以手掩口不讓他大叫。最終他僅完成四下便攰到瞓地,場面搞笑。

湯洛雯跑步減肥,搞到趴街。