高海寧驚咪咪激彈就住嚟跳

東方日報
高海寧昨日排練絲帶舞,最怕絲帶捲住。

「咪神」高海寧為無綫台慶表演絲帶舞,昨日與眾師妹練舞,曾在台慶表演性感肚皮舞「震撼」觀眾眼球的她笑說:「佢哋都叫我唔好跳得咁勁,驚出唔到街!」

無綫藝員高海寧(高Ling)、黃嘉雯、鄧卓殷、葉蒨文等昨日在電視城為《萬千星輝賀台慶》表演項目排舞,大師姐高Ling帶領一班師妹大跳絲帶舞,笑說:「我心境好後生,唔好話大師姐,其實每年台慶排舞,我就會諗點解自己唔去學跳舞呢?有書到用時方恨少嘅感覺。」學過中國舞的鄧卓殷較易上手,讚高Ling跳得很好。

唔使束胸演出

高Ling指跳舞時擔心絲帶揈到,綵排亦試過被絲帶捲住,擔心會出錯。問到舞衣會否如早年台慶表演肚皮舞般性感?她說:「應該唔會,未試衫,聽講件衫會發光。佢哋叫我唔好跳得咁勁,驚出唔到街。(使唔使束胸演出?)咁又唔使。」又透露會與王君馨跳舞,笑言:「簡直係大學生同小學生,我連手腳都仲未協調,哈哈!」

張振朗與剛加盟無綫的麥秋成偕一班新人為另一項目排舞,張振朗承認與麥秋成跳舞好大壓力:「梗係,不過好多謝阿成好畀心機教我。」有份編舞的麥秋成則說:「佢已經好叻,加多咗好多舞步畀佢。」張振朗笑言有拍排舞片段給女友看,卻被取笑跳得像肥企鵝。

麥秋成願拍蔡思貝

跟無綫簽下經理人合約的麥秋成希望學習更多不同範疇的東西幫助日後創作,亦希望盡快拍劇。問到可會介意與舊愛蔡思貝合作?他笑說:「唔介意,佢係我師姐嘛。」最近他與蔣家旻傳緋聞,被拍得前後腳返回其西貢寓所,他指大家是朋友:「我哋成班朋友一齊放狗、食飯。(有冇機會發展?)未諗咁多住。」張振朗笑說:「佢啱啱先入TVB,睇吓先啦,哈哈!」

高海寧早年在台慶與陳煒跳肚皮舞,令人熱血沸騰。
張振朗與麥秋成排舞。