高海寧鍾意賺錢買磚頭

東方日報
主演新劇個個讚,高海寧超興奮!

藝人高海寧昨日到電台宣傳無綫熱播劇《婚姻合伙人》,首次擔正的她興奮表示播出四集已有回響:「好多人都話好好睇,擔正做女主角都好緊張,瞓身做專訪宣傳。有朋友Cap圖Send畀我,日日都一齊追嚟睇!」又表示最近聽到一些讚美說話,分外開心:「有人話以前睇我做戲,只會知我做緊呢個角色,但今次睇咗幾集就覺得唔係我嚟,係『貝競枝(劇中角色)』,好入戲!」

問到現實中是否跟劇中地產經紀角色一樣經常睇樓盤?她打趣說:「買唔起!依家供緊一層,都想再買。覺得今次個角色好得意,佢人生好複雜,但又唔似表面咁貪錢同自私。好多人話睇到我畀爸爸拋棄嗰集好感人,之後爸爸會返嚟搞搞震。(現實中貪錢?)我鍾意賺錢,但錢唔係第一位,最緊要係屋企人同健康。」