高海寧認情已逝:想快啲平息

東方日報

無綫咪神高海寧(高Ling)與音樂才子鄧智偉拍拖多年,日前爆出早於去年1月已分手,鄧智偉更自揭遭在夜總會結識的沈小姐滋擾,累及高Ling、家人與朋友。高Ling事後避談分手一事,只表示與鄧智偉一直是好友關係,但昨日上載一張黑白照,留言暗示情已逝:「從來感情事都是低調處理,而今天只想為早已逝去的輕輕劃上句點……轉身是明白、是遺憾,駐足於美好,願各自安好。」

昨晚,高Ling穿牛仔裝出席電視城舉行的慈善活動,提到在網上發文,她說:「心情OK!甫文係想簡單交代自己狀態,因為好多朋友關心我,唔想有太多揣測。(你哋所講嘅分手時間有出入?)從來冇交代自己感情事,出嚟交代原因,只係想關心我嘅朋友放心。(甫文前通知前男友?)有溝通,我哋係朋友,佢發聲明都講得好清楚,因為涉及刑事,進入司法程序不便講太多,唔想影響身邊人,想快啲平息。(騷擾到你身邊人?)已經交咗畀警方處理,唔想再圍繞住!(開始接受新戀情?)戀愛以外仲有好多嘢,最近就忙拍劇,不過情緒多少受影響,擔心智偉情緒多啲,唔想件事再發酵,今次答完我唔再答。(佢心情點呢?)作為朋友,係信任同支持,希望佢好啦!(有冇同你交代件事?)其實由頭到尾唔關我事,作為朋友畀到嘅,就係支持。」

高Ling疑做了手腳,將原圖的男主角裁走。