高海寧生日開工冇仔陪

東方日報
高海寧開金口,輕輕烏身時騷Quali!

藝人高海寧前晚身穿低胸裙出席「仁濟慈善雙週2018慶功宴暨頒獎典禮」,擔任表演嘉賓唱歌。她受訪時透露現時忙於拍攝《極道怪咖》,與王浩信有對手戲,問到可有親熱鏡頭?她說:「有場戲講我錫咗佢塊面幾啖,但喺套劇有七個女仔鍾意佢。(仲有激啲嘅戲?)之後嗰啲未知。」講到今日生日如何慶祝,她表示全日要開工:「所以冇乜期望!(有時間同男友鄧智偉慶祝?)嗰日Full晒,但工作中度過都開心。」同場還有兩位視帝馬德鐘及王浩信,馬德鐘希望可以再一齊拍劇:「最好做啲大家估唔到我哋邊個係反派嗰隻!」