高海寧湯洛雯外遊避疫

東方日報
高海寧、湯洛雯戴晒口罩現身機場去旅行。

高海寧(高Ling)及湯洛雯(靚湯)昨午現身機場離境大堂,兩人戴晒帽及口罩包到冚,但不肯透露去哪兒及何時返港,靚湯說:「今次去嘅地方都OK安全。」又謂出發前,先在機場取Wifi蛋。談到病毒肆虐,高Ling說:「有戴口罩、勤洗手,同埋有帶洗手液及預備口罩。(存貨充足?)有嘅,但都要預備口罩,因為家人多,依家都要慳啲使,唔出街囉。」又說因為4月才拍新劇,所以兩人開工前先結伴去玩:「大家有經驗,齊齊努力抗疫。」不過,高Ling不知道王浩信、張曦雯等人病倒要停廠。

而靚湯透露新年在家跟家人打邊爐,甚少出街,她說:「我鍾意留喺屋企唔覺悶。」問到她們出埠會否撲口罩?高Ling說:「碰吓運氣,有就買。(擔唔擔心疫情?)個個都擔心,自己會做足保護措施,我關心南京嘅家人,特別係年紀大嘅婆婆,叫佢唔好出街,買餸由舅母負責買。」