高海寧拍拍吓自摑嚇親江嘉敏

東方日報
高海寧學做男人,翹高腳坐勁麻甩!

高海寧與鄧智偉日前爆出分手後,她似乎未有受事件影響,專業投入拍新劇,還自爆日前「加料」自摑戲份,嚇呆對手江嘉敏。

藝人高海寧(高Ling)驚爆與男友鄧智偉已於去年初分手,現正忙於拍攝新劇《七公主》的她,日前與陸永在金鐘一間高級餐廳內取景,只見兩人與導演專心對劇本,未有被負面新聞影響心情,與陸永更有講有笑。

高Ling受訪時被問到早前與劇中妹妹江嘉敏拍攝時,她突然多番自摑且巴巴有力,她解釋:「嗰場戲係我加嘅,因為角色性格好男仔頭,好多位都會好激!(監製知唔知?)佢喺現場但事前唔知,我有同江嘉敏講定先會自摑,但佢事後都嚇到呆咗一呆,好在監製話效果幾好。」又指劇中很多男友,與陸永感情關係複雜:「我同佢係未有關係,就已經玉帛相見嗰隻!」

塞螢光棒 扮麻甩佬行路

今次以Man爆造型示人,坐低時又翹晒腳「入晒戲」,高Ling笑說:「我細佬話屋企多咗個阿哥!為咗再神似啲,有時會跟住啲工作人員後面行學點行路,麻甩啲!佢哋話男人多咗樣嘢,行路時會掗手掗腳,如果真係好唔慣就塞支螢光棒喺『嗰度』!」 至於陸永透露劇中有不少裸露鏡頭,包括要露股:「我個Pat唔靚,前面靚啲……講個樣呀!」又踢爆劇中對高Ling一廂情願:「佢係有特殊癖好!(咁你好大犧牲?)犧牲啲觀眾啫!」

被揭失戀的高海寧,與陸永對劇本仍有講有笑。
高海寧演到七情上面,加埋突然自摑,難怪江嘉敏都被嚇窒!