高海寧台慶領軍企前排 力壓王君馨張曦雯眾小花顯地位

娛樂

早前無綫台慶夜變成《珍惜香港發放娛樂TVB52年》,並以錄播形式進行,全台花旦傾巢而出,今時唔同往日的高海寧,唔使拋胸搶鏡,可以在跳舞環節以領軍姿態打頭陣,足見地位超越一眾小花!

撰文、圖片:東方新地

高海寧台慶領軍企前排張曦雯玩倒掛都輸

當晚她高海寧與王君馨、張曦雯、陳曉華等表演跳舞,高Ling的絲帶舞完全是零難度,而王君馨與四位半裸男藝人施展渾身解數,舞技盡出又吸睛,張曦雯更在完全沒有威吔保護下,在半空中的巨型呼拉圈中做出倒掛及拗腰等高難度動作,非常賣命,不過高Ling就企正中間搶晒fo。

台慶節目最後變錄影播出,高Ling 帶住一班新晉花旦跳絲帶舞,大師姐成為焦點,不過舞衣唔性感之餘,表演亦略為平淡冇睇頭。
張曦雯表演玩命空中呼拉圈,不過最後都輸畀高Ling,冇得打頭陣。
高Ling 的絲帶舞雖然悶,但她卻能打頭陣出場, ending 亦企正中間,可見地位超然。

高Ling收胸錫身都上位眾人戥王君馨唔抵

知情者透露:「其實綵排嘅時間已經知道高Ling個表演係最冇睇頭,亦有其 他花旦嘅經理人出聲,想幫自己個藝人爭排位,希望可以打頭陣,不過最後都係高Ling行先,好多人都戥王君馨唔抵。明眼人都睇得出高Ling依家好錫身,其實佢識做空中瑜伽,不過佢點都唔會揀呢啲高風險表演,同埋嗰晚佢件舞衣相對係比較密實,因為佢話唔想觀眾聚焦喺第二度錯重點喎!」

王君馨當晚都出盡力為台慶表演,大騷畢生舞技意態撩人。
之後接受司儀訪問,她卻向王君馨大笠高帽,力讚對方的表演有難度和精彩。
被指因網上言論表露政治取態而遭無綫雪藏的李佳芯,在台慶當晚只係行行企企,完全冇份表演,參與度極低。

延伸閱讀:

厚顏黃心穎潛水7個月 藉《牛下女高音》密謀返港

32歲高海寧狙擊37歲李佳芯 冰鮮Ali懶理繼續慢活