駱胤鳴拒要「小三」高唱二人世界

東方日報
駱胤鳴(右)爬家姐駱胤樺頭嫁人。

組合SIS樂印姊妹着到紅噹噹四周圍𢭃利是,婚期跟何雁詩同樣在年底的準人妻妹妹駱胤鳴,特別準備利是袋𢭃盡最後一年︰「諗起下年要派又擔心、又開心,見到乜人都會𢭃。(快啲生番個回本?)原來回唔到本o架!朋友已經接受咗呢個殘酷嘅現實。我哋有傾過呢兩、三年唔生住,過二人世界先,生咗就等於多咗個『小三』,如果係女,我仲得了?我哋心態仲好小朋友,經濟能力又未養得到,開心兩年先啦!」

家姐駱胤樺被妹妹「爬頭」出嫁一點也不介意,但承認不捨得妹妹搬走:「獨霸一間房原來會好空虛。(幾時到你?)唔想咁煩住,哈哈!」駱胤鳴透露大婚之日,不想家姐做姊妹太辛苦,重要任務是擔任「表演嘉賓」:「唱首我鍾意嘅歌。」家姐即搞笑問︰「唱首歌,係咪唔使畀咁多人情?」駱胤鳴撒嬌︰「長輩要送龍鳳鈪!」家姐聞言無奈接受,認真爆笑!