駱胤鳴將榮升人妻拒連生貴子 讚男友:好細心比我更似一個女仔

駱胤鳴將榮升人妻拒連生貴子 讚男友:好細心比我更似一個女仔

駱胤鳴(烙印)早前宣佈,今年年尾將榮升人妻。佢接受香港開電視《娛樂頭條E-News Headline》主持馬梓軒邀請,到大埔林村許願樹拋寶牒,祈求新一年身體健康、闔家平安。經過5次努力,烙印第6次成功將寶牒拋上許願樹:「其實我從未嚟過許願樹拋寶牒,之前過年我會去車公廟、黃大仙廟,一直覺得許願樹咁近自己屋企,唔駛特登去,所以咁多年都冇去過!」

今年12月27日烙印將與圈外男友哈士彬舉行婚禮,被問及對方有何吸引之處,烙印隨即數出三大優點:「第一係佢好細心,佢比我更似一個女仔!佢個袋一定會有紙巾、濕紙巾,甚至曾經有一段時間有衛生巾;第二係佢好識煮嘢食,呢樣真係令我好妒忌;第三係佢工作好認真,佢可以唔聽我電話同唔覆我訊息!我唔會嬲佢嘅,因為知佢真係做緊嘢,呢三樣嘢都好值得嘉許!」

近排忙於籌備婚禮的烙印,坦言有很多細節要處理:「結婚真係好多嘢搞!例如姊妹兄弟人數、花車,最近又同咗未來奶奶睇酒店,每星期都有個目標要達成!至於擺幾多圍就未落實,但因為男家親戚多,同埋想邀請好多圈中好友,所以預計會有30圍!」

點擊瀏覽《香港01》更多內容和圖集

你可能感興趣:
駱胤鳴、科林上《勁歌》被鬧爆? 網民可能係玩死樂壇嘅最大原因
新歌Rap情侶鬧交網民鬧垃圾 駱胤鳴:小rapper能夠被批判係幸福