馮盈盈超激演出 谷胸上頸搏做TVB一姐

娛樂

出名主動進擊的馮盈盈,除咗將十優醫生男友鍾 文浩(Martin)箝到實,對自己事業亦博到盡,不放過任何突圍機會,誓要坐正做醫生夫人,亦要坐正做TVB一姐!

撰文、圖片:東方新地

馮盈盈主動賣身 加簽長約誓要做一姐

為咗成功上位,馮盈盈拍劇唔介意晒身材甚至演出激情戲,原來仲好識長線投資,17年簽約無綫三年的她,未等到約滿,上年已經主動同無綫加簽長約,認真長情。勝在夠年輕,今年只得25歲的 她,大把青春喺手,做到約滿都應該未滿 35歲,話唔定到時做埋醫生夫人兼生埋仔,隨時三贏!

劇接劇的馮盈盈,日前在蘭桂坊 拍攝《逆天奇案》外景一場醉酒被 外籍男博懵戲,一身貼身短裙更 谷胸上頸,性感打扮非常吸睛!

谷胸上頸搏到盡 同張頴康濕身激吻

自從當選2016年港姐冠軍,馮盈盈已經瞄準目標進發,好快已經成為TVB風頭躉,唔單止試過網上爆粗被封「粗口港姐」,主持節目亦言論大膽出位,經常引起網民熱論,近年拍劇亦夠晒博,去年演出《果欄中的江湖大嫂》,演出江湖女 「小狼女」一角,就經常緊身小背心谷胸加熱褲晒長腿,近日在新劇《解決師》更加去到盡,同張頴康浴室濕身激吻肉搏超出位,成功搶fo,因為夠拼搏亦令她成為無綫監製寵 兒。

出名夠放的馮盈盈,在新劇《解決師》 同張頴康浴室激戰,早前播出的宣傳片,兩人肉 搏場面火辣,即時引起巴打熱話,不過,日前劇集出街版本,敏感戲幾乎全部剪走,認真可惜。
同張頴康濕身激吻外,仲有大膽咬耳仔戲,馮 盈盈為做新一代性感女神完全豁 出去!

識玩唔走純情路線 語出驚人監製勁鍾意

據知情者透露:「咪睇盈盈平日大癲大肺,其實佢係醒目女,明知走港姐純情舊路好難出位,就索性做豪放港姐,主 持節目夠晒放,成日都語出驚人,但反而因為咁,網民覺得 佢夠真性情,佢又夠玩得,同佢拍檔嘅男演員亦覺得特別自 在,唔使下下就住就住,都好鍾意同佢合作,加上佢好襟 撈,對住高層同監製,成日都會賣口乖,拍劇又夠博,唔會扭扭擰擰仲話頭醒尾,所以好多監製都肯用佢,好似家豪哥 (TVB製作總監劉家豪),近期開親劇都預重角畀佢!」

除咗谷晒胸,著住短裙的她仲要 劈開雙腿擺豪放甫士,雖然畀大 班途人圍觀,演出依然咁放!
除咗主持《後生仔傾吓偈》言論大膽出位,馮盈盈更不介 意演出激情戲,日前拍攝一場車廂被博懵戲,她亦聽從 導演指示瞓身演出,唔會扭扭擰擰,難怪深得高層及監 製歡心,工作不斷!

Mark實醫生男友愛情事業兩得意

雖然同十優醫生男友鍾文浩打得火熱,馮盈盈更貼埋錢同男友築愛巢同居,並放晒聲氣等做醫生夫人,不過箍到筍盤,她事業野心亦唔細,17年同TVB簽約三年的她,去年還未約滿便主動同無綫加簽長約。

去年憑《果欄中的江湖大 嫂》小狼女一角在《萬千 星輝頒獎典禮》奪「飛躍 進步女藝員」,首次提名 已經攞獎。

據知情者透露:「雖然做新人嘅人工唔算好高,但只要喺無綫出到位,拍廣告同出活動嘅賺錢機會真係好多,馮盈盈咁識計數,佢梗係知道除笨有精,簽長約都覺得好值得!」三年已經成為力捧小花,識得睇準時機,應該是馮盈盈成功最大策略!

同十優醫生男友Martin 已到同居階段,馮盈盈 更不介意,經常以兩人 親密關係做話題。

延伸閱讀:

44歲林志玲甜嫁38歲EXILE成員Akira 政府封街賀姊弟戀修成正果

38歲黃翠如臉形五官再進化 驚見楊怡木偶鼻