馮盈盈晒線發放正能量 網友錯重點睇到膠紙

馮盈盈又派福利喇!

藝人馮盈盈近來頻頻性感現身,除咗喺最近熱播中嘅劇集《解決師》會同張頴康有場超激浴室親熱戲,佢亦不時喺社交網大派福利!呢日佢又分享咗幾張靚相,見佢着住一條Deep V古典長裙,谷出深長事業線,相當吸睛!佢留言:「Be patient.Keep waiting.I can see it’s coming, I’m sure.🕊(請耐心地等待,我能看見它正前來,我很肯定。)」向大家發放正能量。

不過竟然有網友錯重點,話見到佢心口有塊透明大膠紙,唔通馮盈盈老貓燒鬚穿崩?馮盈盈就淡定回應網友澄清只係薄紗打底內襯,果然做足防走光措施!而好友江嘉敏亦留言:「我要睇真人!我唔要再睇相!😂😂」馮盈盈即表示:「幻想會破滅😂」認真謙虛!